اغاني زريف الطول ( ظريف الطول )

زريف الطول ( ظريف الطول )
يا ظريف الطول وين رايح تروح عذبت قلبي وعمقت الجروح
من رافق الزين لازم ما يسوح لو كان عقلو بالجبال موزنا

يا ظريف الطول لا هنت انت يا عقد لولو بصدير البنت
واشهدوا يا حباب اني الليلة حلمت ام العيون السود بحضني نايمة

يا ظريف الطول وين اهلك غدو ع جبل حوران شالو وابعدو
يا مين يبشرني ويقولي عاودو ياخد فدانين مع فلحة سنة

يا ظريف الطول يا عين العنبري والبنات رخاص التسعة بوزَرِ
يلله يا عزب اتقلّب واشتري منديل راحة والسعر مبينا

يا ظريف الطول ملا انت ظريف ما عذب القلب الا الخد النظيف
يا مين يحب الله ويعطيني رغيف رغيف المحبوب بيكفيني سنة

يا ظريف الطول يا عين العنكبوت قفلو علية الباب من وين افوت
ما بفوت الحلوة حتى لو بموت لو حطو في قليبي بارودة مكبسنة

يا ظريف الطول ماشي قلنقوز يا حزام البنت في حزام العجوز
لاروح للحاكم اقولو ما بيجوز حزّمها بتلفون واحكمها بسنة

يا ظريف الطول ويا حلو الحلو وحامل القربة على الصلب الحلو
بالله يا بنت اسقيني من الدلو كلو على حسابك يا إبن بلادنا

يا ظريف الطول ويا مشمل شمال ياللي طولك مع نسيم الهوا مال
ساق الله يالمحبوب تاكنّا جهّال تا كنا في الدار نواجه بعضنا

يا ظريف الطول ومحمّل عنّاب والشعر الأشقر لحد الكعاب
بالله يا المحبوب تبعتلي جواب تيجيني عالدار واللا أجيك أنا

يا ظريف الطول طالع سلّمو من عنين الناس ربي يسلّمو
مضيت العمر وانا بعلمو قدام الخلق لا تيجي دارنا

يا ظريف الطول فش احلى منك يا كحيل العين بدي غرض منك
جرحت قلبي وبضحك سنك يا بو عيون السود مقابل دارنا

يا ظريف الطول مشيك دلع ليش يا كحيل العين هالبغضة عليش
لو سقوني المر بعد المر شيش لا غنى عن شوف حبابي لا غنى

يا ظريف الطول ع عين العلق والعنق شبرين وهيك الله خلق
حلوة مليحة لو لبست خلق واشحال لو تلبس هدوم الولدنة

يا ظريف الطول مر وما التفت ولعت نارو بقلبي ما انطفت
وان كان يا ولفي ها العشرة جفت لا بارك الله في عشرة غيرنا

يا ظريف الطول يا ابن بلدي قلبي بيحبك وربي يشهد
يا سواق الغيم تسوق المغربي يكتب حجاب المحبة بيننا

يا ظريف الطول يا عيني اليمين قولّي يا حبيبي بعدي تهوى مين
يالله يا ابن العم تانحلف يمين ما حد يخش الدار غير أنت وأنا

ياظريف الطول يا ابن خالاتي الجحش مربوط وامو فالتة
انا لاكتب المكتوب والفو بشالتي في ظريف الطول مضاني حالنا

يا ظريف الطول والله انك ظريف عذبت قلبي يابو الخد النظيف
يامين يحب الله ويعطيني رغيف من خبز المحبوب يكفيني سنة

يا زريف الطول الحمص بلتوه حتى عقلي من ضميري سلتوه
وان كان بدو اياني يطلق مرتو قبل ما يهل الشهر بينينا

يا زريف الطول وردفني واراك تعبت جرييه ونااركض واراك
وان قدر المولى والهوى راماك لفرمك فرم التتن علهاونا

يا زريف الطول وين رايح تاروح عذبت لقليب وغمقت لجروح
عشير المزيونات لا بد ما يسوح لونو عقلو ولجبال موازنا

يا زريف الطول وين أهلك غدو عجبل حوران راحو وبعدو
ريت عيونك هي يا سايغ يرمدو ليش ما تصيغ التراكي محملا

يا زريف الطول وين رايح تاروح جرحت لقليب وغمقت الجروح
خايف يا ابن العم عبلادك تروح وتعاشر الغير وتنساني أنا

يا زريف الطول وقف تقولك رايح عالغربة بلادك أحسن لك
خايف يا ابن العم تروح وتتملك وتعاشر الغير وتنساني أنا

يا زريف الطول يا إبن الملاك يا بو دامر جوخ برمي علهلاك
ون كان أهلي ما عطوني إلك اندشر الأهلين ونتبع بعضنا

شملو شمال يزورو النبي شعيب والشعر لشقر مدلى للكعيب
طلبت البوسة قالت يا ولد عيب ما تخاف من الله، واخوي قبالنا

ركبت بويضان وقالت حيدو يبعد بويضان ولي بيقودو
لا تعطوني للنذل، والله بطردو والكويس بدو مثله واحسنا

يا ظريف الطول يا حلو يا مربوع يا نازله للبير و احسب للطلوع
واحنا تفرقنا وعلى الله الجموع والمجمع والمفرق ربنا

يا ظريف الطول الحمص بقلته ثلثين العقل من راسي خلته
ريت المتجوز يعدم مرته ويصير المتجوز والعزابي سوا

يا زريف الطول رايح عالعراق والشعر الاشقر ملفلف بالاوراق
ريتك ما هليت يا شهر الفراق فرقت ما بيني وبين احبابنا

يا زريف الطول الشعر حلته ثلثين العقل من راسي خلته
ريت المتجوز يعدم مرته ويصير المتجوز والعزابي سوا
مع تحياتي / عايد محمد ابو فرده