الرئيسية
أحدث الصور
المنشورات
من طرف نسمع دائما مقولة (القبع بالربع )
تعالوا لنعرف قصتها
كان في هون هالزلمة ، ادين من صاحبو مصاري ، سدو كل الدين وظل تعريفة ، ما قدرش يسدها . راح صاحبو شكى عليه ، وحكم الحاكم عليه بدفع التعريفة .
وصار صاحب التعريفة كل يوم يروح لصاحبو ، ويطلب التعريفة ويرجع على قريتو ، وتاني يوم يروح عند صاحبو ويطلب التعريفة ويرجع على قريتو ، تا زهق صاحبو ، وفي يوم من الايام كان الزلمة قاعد ولا صاحبو جاي يطلب التعريفة . وشافو من بعيد وقال لمرتو ، بدي اعمل حالي ميت ، وهو بيجي يطلب التعريفة ، صرخي، وعيطي ، وقولي جوزي مات .
ونام في الفراش ، وبس وصل صاحب التعريفة صارت تصرخ وتعيط . وسألها صاحب التعريفة ليش ابتصرخ وبتعيط ، قالت لو جوزي مات . وصار صاحب التعريفة يعيط على صاحبو اللي مات وما سدوش التعريفة ، وقال انا صاحبو وبدي اغسلو بخليش حدى يغسلو غيري .
وشعل النار وسخن مية تا صارت المية تشبب ( اي تغلي ) من كثر ما سخنت ، وصار يدير الميه السخنة عليه ، والميت صابر ما يتحركش ، يقرص فيه ويقول لو هيك متت وما سديتنيش التعريفة ، والميت صابر وبعدين كفنو وحملو مع الزلام واراحو يدفنوه .
وفتحوا القبر ، وقال صاحب التعريفة ، انا صاحبو ، وانا اللي بدي افوتو القبر . وفات عالقبر مع صاحبو ، وصار يقرص فيه ويقول ، متت قبل ما اتسدني التعريفة ، وقد ما قرصو قال الميت : ( انا خليت لك الدنيا وما فيها وانت لاحقني عالقبر عالتعريفة ) وهمي في القبر ولا حس نبش جنب القبر ، وناس بدفنوا اشي . وقال اللي عامل حاله ميت ( يا موات العام، قوموا عاونوا اموات السنة ) وسمع الصوت اللي كان ينبش من العصابة اللي سارقة سريقة ، وبدهم يخبوها بين القبور . وراح اللي سمع الصوت في القبر وحكى لباقي العصابة ، وقال زعيم العصابة ، بدي اشوف بنفسي هالحكي صحيح ولا لأ .
يرجع مرجوعنا لصاحب التعريفة ، واللي عامل حالو ميت .قام هو وصاحبو طالوا اللي خبتو العصابة ، والا السريقة بحالها ، وقعدوا يقسموها بينهم ، لكن صاحب التعريفة اعترض وطلب التعريفة ، وقلو صاحبو ، شوف اللي اعطانا اياه الله ، كل هالذهب الله ارزقنا اياه وانت بدك التعريفة .
وهمي مختلفين وبحكوا وصل زعيم العصابة ، وسمع الحكي ، ومد راسو في القبر تا يشوف مين اللي في القبر ، وقام اللي عمل حالو ميت مسكو من راسو وشد وطلع قبع زعيم العصابة بايدو ، زعيم العصابة هرب من الخوف ، واللي مديون بالتعريفة رمى القبع ع صاحب التعريفة وقلو ( خذ هالقبع ب هالربع ) .
مع تحياتي / عايد ابو فرده
» عضو من عائلة أبو هاشم بمصر
» مربعانية الشتاء
» ونذرت شعري للمسرى
» عايد أبو فردة يشهر كتابه «ديوان السامر الفلسطيني»
» "وادي الكلاب".. خربة لا ترى النور ---- قرية الصرة
» طموح مواطنو قرية الصرة في دورا - الخليل
» دعاء لشهر ذي الحجة 1437
» صورة وجهاء عائلة أبو هاشم
» اثناء العمل ... فارس طه ابو هاشم