الرئيسية
أحدث الصور
المنشورات
من طرف بنت الفيل
وحدوا الله
لا اله الا الله
كان في هون الا هالثلث غزالات ، يغزلوا في الليل وفي النهار يبيعوا غزلتهن ويشتروا فيها اكل .
في يوم من الايام قالت الغزالة الزغيرة ، انا مشتهية المعلاق ، وصاروا كل يوم اخبوا قرشين ثلاثة من حق الغزلات ويشتروا في الباقي خبز تا حوشوا حق المعلاق . واعطوا المصاري لأختهن الزغيرة ، وراحت اشترت معلاق .
وفي الطريق لاقاها الكلب الاسمر ، وخطف المعلاق منها وهرب . ولحقتو تا توخذ المعلاق منو ، الكلب يركض و هي تركض وراه ، واجو ع هالشباك العالي ونط الكلب وفات من الشباك . وهي اتشعبطت وراه ، وما لقيتش الكلب ، ولا لقيت المعلاق . وما عرفتش تنزل من الشباك العالي اللي اتشعبطت عليه ، وظلت في الدار اللي ما عرفتش تفتحها وتطلع منها .
ويوم سمعت باب الدار انفتح وتسكر سبع مرات ولا هي الدار الها سبع بواباب وفات عليها زلمة اسمو الفيل ، وسألها منين اجت ، وكيف فاتت ، ومن خوفها اتخبت ورا الباب ، وقلها الفيل لا تخافيش ، انا جني بصورة انسان ، وانت بنتي .
وعاشت الغزالة الزغيرة معاه ، ونسيت خواتها ، واول اشي جابلها معلاق . ويوم كانت قاعدة في الشباك ، وكان بستان الملك قبالها ، شافوها وزات الملك اللي برعو في البستان ، وصاروا يحكوا معها وقالوا لها :
بنت الفيل بنت الفيل بكرة الفيل بسمنك وبكبرك تا يصبح يوكلك وهي بتسمع هالسمعة بتخاف وبتصير تضعف . وسألها الفيل مالك ليش ابتضعفي ، احكي لي ، انا ابوك ، لا تخافيش مني . وحكت لو عن وزات الملك قلها الفيل قولي لهن :
بنت الفيل ، بنت الفيل ، بكره الفيل بكبرني ، وبسمني ولسيدكن علاء الدين بدخلني1 ، ريشكن فرشي ، ودمكن نقشي ، ولحمكن باكلو ليلة عرسي .
واطمنت البنت انو الفيل بدوش ياكلها .. وثاني يوم قعدت في الشباك وقالوا لها وزات اللمك مثل ما بيقولو لها كل يوم ، وردت عليهن مثل ما علمها الفيل . وصاروا كل يوم يقولوا لها :
بنت الفيل ، بنت الفيل ، بكره الفيل بسمنك ويكبرك تا يصبح يوكلك وهي ترد عالوزات وتقول:
بنت الفيل ، بنت الفيل ، بكرة الفيل بكبرني وبسمني ، ولسيدكن علاء الدين بدخلني ، ريشكن فرشي ، ودمكن نقشي ، ولحمكن باكلو ليلة عرسي.
وانقهروا الوزات من قولها وصاروا يضعفوا وكت ريشهن تا انهن صارو لحم من غير ريش ، والملك شاف الوزات، وسأل البستنجي وقالو ، شو دعوة هالوزات ليش ابتعتنيش فيهن ، شوف كيف صاروا .
وقال البستنجي ، يا سيدي بطعمهن وبسقيهن كل يوم مثل عادتي ، لكن كل يوم بحكوا مع وحدة في دار الفيل وبيقولو لها :
بنت الفيل ، بنت الفيل ، بكرة الفيل بسمنك ، وبكبرك تا يصبح يوكلك . والبنت ترد عليهم وتقول :
بنت الفيل ، بنت الفيل ،بكرة الفيل بكبرني ، و بسمني ، ولسيدكن علاء الدين بدخلني ، ريشكن فرشي ، ودمكن نقشي ، ولحمكن باكلو في ليلة عرسي .
وبعد كم يوم من هالحكي هزلوا وكت ريشهن .. وصار ابن الملك اراقب الوزات ، وفي يوم سمع الوزات بقولوا لبنت الفيل ، وسمع بنت الفيل ايش بتقول الهن . وشاف بنت الفيل وكانت حلوة مثل البدر ، وحبها وراح ابن الملك لأمو وقلها :
قيمي فراش الهنا وحطي فراش العزا
ابنك علاء الدين لا الو طب ولا دوا
ابنك علاء الدين لا الو طب ولا دوا
وقالت لو امو مين الي بدك اياها ، بدك بنت الوزير ، بدك بنت بندر التجار ، اللي بدك اياها بروح بخطبلك اياها . لكن علاء الدين قال بدي بنت الفيل ، وقالتلوا امو ، هو الفيل الو بنات . وقلها علاء الدين ، الو بنت ابتقعد في الشباك .
وصارت ام علاء الدين اتراقب الشباك ، وشافت بنت الفيل واعجبها حسنها وجمالها، وسألتها كيف بدهن يخطبوها ، وحكت بنت الفيل لأبوها الفيل عن ابن الملك ، وقلها قولي لهن ابي اعطاني ، تعالوا من الباب .
واخذت مرت الملك سدورة الدهب وراحت ع دار الفيل ، وخطبت البنت واتجوز ابنها على بنت الفيل على سنةالله ورسوله وذبحوا دار الملك الوزات ، وصار ريشهن فرشها مثل ما قال الفيل ل بنتو .
وهي خارجة من دار ابوها الفيل ع دار جوزها ، اعطاها الفيل قوار زغير فيه نبتة ريحان ، وقلها :
اسقي القوار وديري بالك عليه ، واذا ماتت الزريقة اللي مزروعة فيه بموت انا . وصارت بنت الفيل كل يوم تسقي القوار ، وادير بالها عليه . وفي يوم مرضت ونامت بالفراش ، وما حدى سقى القوار ، وماتت الزريعة اللي فيه .
وهي طابت سألت الخدم ، سقيتوا القوار وقالو لها لا .
وفقدت القوار ولقيت الزريعة اللي فيه ميتة ، وصارت اتعيط وتقول ابي الفيل مات ، ابي الفيل مات ، وسألوها كيف عرفت انو ابوها مات ، وحكت لهن عن قوار الزريعة . وراحوا فقدوا الفيل ولقيوه ميت . وهاي خريفيتي طار عجاجها وراحت على البلقا تلم نعاجها
مع تحياتي / عايدابو فرده
» عضو من عائلة أبو هاشم بمصر
» مربعانية الشتاء
» ونذرت شعري للمسرى
» عايد أبو فردة يشهر كتابه «ديوان السامر الفلسطيني»
» "وادي الكلاب".. خربة لا ترى النور ---- قرية الصرة
» طموح مواطنو قرية الصرة في دورا - الخليل
» دعاء لشهر ذي الحجة 1437
» صورة وجهاء عائلة أبو هاشم
» اثناء العمل ... فارس طه ابو هاشم