الرئيسية
أحدث الصور
المنشورات
من طرف أسمحوا لي أن اهديكم قصيدة جديده للشاعر الفلسطيني نجيب صبري من كفر راعي - جنين ...وهو من المهتمين والباحثين في موضوع الشعر الشعبي الفلسطيني
فْلِسْطين يا مَوْطِني يا بَسْمَةَ الأيّامْ= لَوْحات حُسْنِك مِنِ الرَّحْمن مَرْسومي
يا قُبْلِة الرّوح ، يَ الزَّهْرِ النَّدي البَسّامْ= يا لَحِن ساكِن أبَد في قْلوبْ مَكْلومي
شُفْتِك بَعينِ العَقِل أحْلى مِنِ الأحْلامْ= وشُفْتِك بِعينِ الحِلِم آياتْ مَرْقومي
وشافِك ملاكِ الحَلا ، اسْتَحْلى حَلاكِ وْنامْ= فِ عْيونْ لونِ المِسِك بِالطّيب مَخْتومي
يا حُلْوَتي سُلْوَتي في دُنْيَتي أقْلامْ= سْمِعْتِ نَهيدي وْبَكَت دَمْعات مَحْرومي
وْأوْراق شُ مْبَعْثَرَة مِثْلي بِدونِ نْظامْ= عاشَت مَعايي عُمُر وِهْمومْها هْمومي
فْلِسْطين إنْتِ أنا، قَلْبينْ مِن آلامْ= جُرْحين وِلْدو سَوى بْأقْدار مَحْتومي
طيرين عِرْفو الهَوى وِتْبادَلو الأنْغام= وِبْكُل نَغْمِة صَدى أنّات مَكْتومي
فينيق جِفْنو غِفي وما غِفْيَتِ الأعْوامْ= كُل عام بُمْرُق بِصَحّي عْوام مَحْمومي
وكَنْعانْ مِرْجِ ابِن عامِر ما نِسيلو وْشامْ= دَقّو عَ وَجْنِة مَرِج بِالجود مَوْسومي
قَدّيش طِفْلِك بَكى ، قَدّيش شيخِك قامْ= يِبْحَث عَ ذاتِ الطَِّفِل فِ بْيوت مَهْدومي
وْقَدّيش ضَمِّ القَبِر فِ الرّاحِتين عْظامْ= بِ نْياب فَكِّ الكُفُر يا حيف مَهْشومي
شُ بْقول يا حُلْوَتي يَ مْذَهَّبي الهِنْدامْ= نادَت نُجومِ السّما تا تُرْقًصي قومي
حَقِّك عَلينا الفَرَح مَهْما فَضائِك غامْ= ومَهْما دُروبِ العُمُر بارود مَلْغومي
لا تِرْكِني لليَإس وِتْطاوِعي الأوْهامْ= لا خير في أمِّة بِتْعيش مَوْهومي
مَهما عَ حُرَّة وْأصيلِة تْكالَبو الظُّلّامْ= بِتْظَلّ حُرَّة ، وَلَوْ بِتْعيش مَظْلومي
خَلّي رَبيعِك شَذى تَيْعَطِّرِ الأنْسامْ= وخَلّي نَسيمِك لَحِن أشْعار مَنْظومي
وخَلّي دُموعِك نَدى زَرْزَرْ عَلى الأكْمامْ= وْعا كُل شِفِّة وَرِد قُبْلات مَهْضومي
ذوبي خَجَل وِاسْتِحي يا ريشَةَ الرَّسّامْ= قُدّام سِتِّ الحُسُن تا تِفْطَري صومي
هذي فَلَسْطين بَوْحِ الرّوح وِالإلْهامْ= وِرْواحْنا بِالفِدى عا طول مَلْزومي
فْلِسْطين يا مَوْطِني يا بَسْمَةَ الأيّامْ= لَوْحات حُسْنِك مِنِ الرَّحْمن مَرْسومي
يا قُبْلِة الرّوح ، يَ الزَّهْرِ النَّدي البَسّامْ= يا لَحِن ساكِن أبَد في قْلوبْ مَكْلومي
شُفْتِك بَعينِ العَقِل أحْلى مِنِ الأحْلامْ= وشُفْتِك بِعينِ الحِلِم آياتْ مَرْقومي
وشافِك ملاكِ الحَلا ، اسْتَحْلى حَلاكِ وْنامْ= فِ عْيونْ لونِ المِسِك بِالطّيب مَخْتومي
يا حُلْوَتي سُلْوَتي في دُنْيَتي أقْلامْ= سْمِعْتِ نَهيدي وْبَكَت دَمْعات مَحْرومي
وْأوْراق شُ مْبَعْثَرَة مِثْلي بِدونِ نْظامْ= عاشَت مَعايي عُمُر وِهْمومْها هْمومي
فْلِسْطين إنْتِ أنا، قَلْبينْ مِن آلامْ= جُرْحين وِلْدو سَوى بْأقْدار مَحْتومي
طيرين عِرْفو الهَوى وِتْبادَلو الأنْغام= وِبْكُل نَغْمِة صَدى أنّات مَكْتومي
فينيق جِفْنو غِفي وما غِفْيَتِ الأعْوامْ= كُل عام بُمْرُق بِصَحّي عْوام مَحْمومي
وكَنْعانْ مِرْجِ ابِن عامِر ما نِسيلو وْشامْ= دَقّو عَ وَجْنِة مَرِج بِالجود مَوْسومي
قَدّيش طِفْلِك بَكى ، قَدّيش شيخِك قامْ= يِبْحَث عَ ذاتِ الطَِّفِل فِ بْيوت مَهْدومي
وْقَدّيش ضَمِّ القَبِر فِ الرّاحِتين عْظامْ= بِ نْياب فَكِّ الكُفُر يا حيف مَهْشومي
شُ بْقول يا حُلْوَتي يَ مْذَهَّبي الهِنْدامْ= نادَت نُجومِ السّما تا تُرْقًصي قومي
حَقِّك عَلينا الفَرَح مَهْما فَضائِك غامْ= ومَهْما دُروبِ العُمُر بارود مَلْغومي
لا تِرْكِني لليَإس وِتْطاوِعي الأوْهامْ= لا خير في أمِّة بِتْعيش مَوْهومي
مَهما عَ حُرَّة وْأصيلِة تْكالَبو الظُّلّامْ= بِتْظَلّ حُرَّة ، وَلَوْ بِتْعيش مَظْلومي
خَلّي رَبيعِك شَذى تَيْعَطِّرِ الأنْسامْ= وخَلّي نَسيمِك لَحِن أشْعار مَنْظومي
وخَلّي دُموعِك نَدى زَرْزَرْ عَلى الأكْمامْ= وْعا كُل شِفِّة وَرِد قُبْلات مَهْضومي
ذوبي خَجَل وِاسْتِحي يا ريشَةَ الرَّسّامْ= قُدّام سِتِّ الحُسُن تا تِفْطَري صومي
هذي فَلَسْطين بَوْحِ الرّوح وِالإلْهامْ= وِرْواحْنا بِالفِدى عا طول مَلْزومي
» عضو من عائلة أبو هاشم بمصر
» مربعانية الشتاء
» ونذرت شعري للمسرى
» عايد أبو فردة يشهر كتابه «ديوان السامر الفلسطيني»
» "وادي الكلاب".. خربة لا ترى النور ---- قرية الصرة
» طموح مواطنو قرية الصرة في دورا - الخليل
» دعاء لشهر ذي الحجة 1437
» صورة وجهاء عائلة أبو هاشم
» اثناء العمل ... فارس طه ابو هاشم