مجموعه من المشاهد المسرحيه الملتقطة من المجتمع المحلي
جمعها وصورها وووضعها بين دفتي كتاب
الداعي بالخير صالح صلاح شبانه
المشهد الثامن / كنترول باص
الممثله : ( بعد ان فكت الوساده عن بطنها ) مثل ما شفتوا الحل أكل قتل وفرق على اهله ..!!
الممثل 2 : الله يكون بعونه اللي بجمعك واياه تحت سقف واحد وبتسكر عليكم باب ..!!
الممثل 1 : سقف واحد آه .. اما باب يتسكر .. فالواحد مش مآيس عن حاله ...!!!
بس انا لليوم وبكره مش عارف ليش بصرّوا على وحدة الدم ..
الممثله : مشان يرفدوا بنك الدم ..
الممثل 2 : بس هذي طريقه بلطجيه لأنه الدم بعد 21 يوم بخرب ، وبعدين احنا ما عنا تجارة دم ، وراس مالها نداء زغير للناس انه بنك الدم بحاجه لدم ، بتلاقي الشعب كله مد ايده ويقول اسحبوا ...!!!
الممثله : وهلقيت خلينا مع المشهد اللي جاي ..!!
الممثل 1 : انا طول عمري احلم اصير كنترول باص .. يعني حلم ياما دغدغني بلا قافه ونام على وسادتي..!!
الممثل 2 : لازم لهالحلم مناسبه .. شو مناسبته يا ترى ؟
الممثل 1 : مره وانا زغير رحت من قريتنا مع امي وابوي عَ المدينه وركبنا باص .. وبقى في الباص واحد يحكم ويرسم ويلم مصاري ويحكي مع الزلام والنسوان ويسألهم وين رايحيين ووين جايين وهو الكل بالكل ..!! ولماّ سالت عنه قاله هذا اسمه الكنترول ، ومن هذاك اليوم عشقت هالمهنه وتمنيتها من قلبي ...!!!!
الممثله : وطبعاً لليوم بتحب هالمهنه وبتتمنى لو تصير كنترول ، مش هيك ؟؟
الممثل 2 : على هالأساس .. انت قريت اعلان في الجريده انها شركة باصات بدها كنتروليه ..!!
وانت جاي تشتغل كنترول .. وقابلت اللجنه ..!!
( يذهب الممثل رقم 2 والممثله الى طاولة المكتب ويجلسان متجاورين )
الممثل 1 : ( يذهب ويقف امامها ) : انا جاي اقدم طلب اشتغل كنترول ..!!
الممثل 2 : شو معك شهادات ؟
الممثل 1 : انا قبل ما آجي عليك تحممت وتعطرت وفركت رجلي بالحجر وجاييك على سنجة 10 ..!!
الممثله : هلقيت بنشوف .. بذوب الثلج وببان المرج
الممثل 1 : اشلح هالجاكيت لما نشوف .. واشلح القميص ....!!!
الممثل 2 : ( يتظهر بأنه ينزع ملابسه )..!!
الممثل 1 : وين الوشم المدقوق على ظهرك ؟
الممثل 2 : ما في وشم ، وليش الوشم يعني ؟
الممثل 1 : ( مد ايدك لما اشوف ) وين ضرب الشفرات والامواس اللي عليهن ؟؟!!
الممثل 2 : ما في وشم ولا في ضرب امواس هي شهادات الخبره اللي بتطلبها وشم وضرب امواس ؟
الممثله 2 : ( بسخريه ) يا سلام عليك ، احنا شركه محترمه وما بنشغل الا اصحاب الخبره ...!!!
الممثل 2 : ( مد ايدك لما اشوف ) وين الوسخ اللي تحت اظافرك ؟
الممثله : اذا ما كانت اصابعك مثل الفول لمكحل مشان ترعب الراكب وتقززه ، ما بتنفع لهالشغله ...!!!
الممثل 1 : بتعرف تنط وتشعبط في الباص وهو ماشي ؟ وتصفر مثل جميع انواع الطيور ؟
الممثل 2 : ( باستغراب ) انت بدك كنترول ولا سعدان في السيرك ؟ وموسيقار في حديقة الطيور ؟
الممثله : ( بغضب ) جاوب على قد السؤال ، اللجنه الكريمه ما عندها وقت للفلسفه ..!!
الممثل 2 : انا آسف يا ستي ، بس انتوا بتسألوا اسئله غريبه ..!!!
الممثله : جميع اسئلتنا من لب الموضوع ومن مخ عظم المهنه ...!!!
الممثل 2 : انا آسف يا ستي .. اسألوا احنا بنجاوب ، ما بعرف انط ولا اشعبط ..!!!
الممثل 1 : اذا زبون اعطاك دينار بتقدر تكذبه وتقول له انت ما اعطيتني الا اجرتك كامله ، او ما اعطيتني وانا مطلعك حسنه لوجه الله ؟
الممثل 2 : ( باستنكار ) اعوذ بالله من غضب الله .. انا حرامي ؟
الممثله : الصحيح انك جاهل بوضع البلد ومش خبير بأصول المهنه ..!!
الممثل 1 : يعني احنا فاتحين الباص تكيه مشان نطلع الناس عن ارواح امواتنا ؟
الممثل 2 : انا صحيح عندي سياره قرقعه بتوخذني وبتوديني وظابب خيري وشري عن الناس ، وشغلة المهنه حلم عتيق حبيت احققها ..!!
الممثله : الكنترول يا حبيبي مهنه انت مش قدها ..!!
الممثل 2 : مع انها مهنه فيها تعامل مع الناس ..!!
الممثل 1 : والناس اجناس ومن اغلى المعادن بتلاقي ناس ، وفي ناس ناس ، وفي ناس مش ناس .. الكنترول يا ابني ( بلهجة الحكيم الناصع ) رجل صلب ومرّ ، بمروا عليه عشرات ومئات من اصناف الناس .. فيهم العجر وفيهم البجر .. !!!
الممثله : وفيهم الحلو اللي بتشربه مع الحنظل ، وفيها اللي ما بنشرب مع العسل ..!!
الممثل 1 : فيهم ابن الاصل والجاه وفيهم الموّصل والمقطع اللي ما بسوى تعريفه ..!!!
الممثله : فيهم خريج السجون وغرز التحشيش وفيهم خريج الجامعات والمعاهد ..!!
الممثل 1 : فيهم الصادق الامين وفيهم الكذاب الخاين ..!!
الممثله : فيهم اللي مسامح وفيهم الحقود اللئيم ، اللي قرصته والسم ..!!
الممثل 1 : وهذول بجمهم الباص كل يوم .. وبتشوفهم عَ الرايحه والجايه ..
الممثله : والشركه مشان تحافظ على اموالها وممتلكاتها بدها واحد عتره ، ما بعرف امه ولا ابوه ، جاهز بجميع الاحتمالات ، ايده ولهواه ..!!
الممثل 1 : يحط الشفره تحت لسانه ، جسمه مدقق بالوشم لأنه الوشم علامة الزعران وذعرانه ووجهه مخربطات بضرب الشفرات والسكاكين .. عندك استعداد ؟
الممثل 2 : الله الغني عنكم وعن هالشغله .. وبالنسبه للحلم القديم انا رح ابحش له وادفنه للأبد .. سلام عليكم ..!!!
http://www4.0zz0.com/2010/03/27/12/668939012.jpg
الداعي بالخير
صالح صلاح شبانة
http://turath.mo5ayam.com/vb/index.php
منتديات سنجل الباسلة
الموقع الشخصي للكاتب والباحث صالح صلاح شبانة
هذا الرابط لموقع شخصي وخاص ، وهو محاكاة للتراث الشعبي حسب وجهة نظر الكاتب ، وقد يطلق عليه التأريخ الأبداعي ، وهو يختص بتراث القرية الفلسطينية من وجهة نظر أهل سنجل ، أرجو وأتمنى منكم عدم حذف الرابط بذريعة قوانين المنتدى ، وأرجو من القوانين القفز عن هذا الرابط لما فيه من تواصل بين أبناء الشعب الفلسطيني المهَجّرين ، ولكم التحية .
2017-07-09, 06:40 من طرف إدارة منتدى عائلة أبوهاشم
» عضو من عائلة أبو هاشم بمصر
2017-07-08, 18:28 من طرف Hany
» مربعانية الشتاء
2017-07-08, 08:59 من طرف إدارة منتدى عائلة أبوهاشم
» ونذرت شعري للمسرى
2017-07-08, 08:57 من طرف إدارة منتدى عائلة أبوهاشم
» عايد أبو فردة يشهر كتابه «ديوان السامر الفلسطيني»
2017-07-08, 08:54 من طرف إدارة منتدى عائلة أبوهاشم
» "وادي الكلاب".. خربة لا ترى النور ---- قرية الصرة
2017-07-08, 08:26 من طرف إدارة منتدى عائلة أبوهاشم
» طموح مواطنو قرية الصرة في دورا - الخليل
2017-07-08, 08:20 من طرف إدارة منتدى عائلة أبوهاشم
» دعاء لشهر ذي الحجة 1437
2016-09-03, 20:29 من طرف إدارة منتدى عائلة أبوهاشم
» صورة وجهاء عائلة أبو هاشم
2016-09-03, 19:53 من طرف إدارة منتدى عائلة أبوهاشم
» اثناء العمل ... فارس طه ابو هاشم
2016-09-03, 19:14 من طرف إدارة منتدى عائلة أبوهاشم